CORAL POLIFONICA DE AGOLADA

VIDEOS DO CONCERTO DE REIS

2012-01-15T14:43:00.000-08:00

Enlaces con duas das cancións interpretadas en colaboración coa Banda do Antón no concerto de Reis. Espero que vos gusten.

http://www.youtube.com/watch?v=xp4B3gSGwaA&feature=youtu.be

http://www.youtube.com/watch?v=xB2iLdduvTg&feature=share

CONCERTO DE REIS EN AGOLADA (5/01/2012)

2012-01-06T15:48:00.000-08:00

Este ano no tradicional concerto de Reis quixemos sorprender ó público coa interpretación de tres temas de música flok de nadal, acompañados polos membros da Banda do Antón.

Moitas grazas pola súa colaboración desinteresada e magnífica.

Ademáis, coma sempre actuou tamén a Banda de Agolada que demostrou o gran nivel que todos sabemos que ten.

CONCERTO EN TABOADA (LUGO) 18-12-11)

2011-12-27T01:50:00.000-08:00

Actuación nun concerto de Panxoliñas organizado pola Coral de Taboada (Lugo) o día 18 de decembro.
Sinto non ter fotos.

CONCERTO EN CHANTADA (10-12-11)

2011-12-27T00:28:00.000-08:00

O pasado día 10 de decembro participamos nun concerto de música de nadal organizado pola Coral de Chantada.

SANTA CECILIA (AGOLADA) 19-11-11

2011-11-24T02:33:00.000-08:00

O día 19 de novembro celebramos en Agolada o tradicional concerto de Santa Cecilia onde participou a Coral, a Banda de Agolada e o grupo Bico da Balouta.
Como sempre foi un éxito de público, a xente de Agolada nunca falla.
Este ano a novidade foi a interpretación conxunta de varias pezas entre a coral e o grupo Bico da Balouta. Penso que foi unha sorpresa ben acollida polo público e que intentaremos repetir nalgunha outra ocasión.
En canto á actuación da Banda, dicir que volveu a sorprender a súa calidade. É un orgullo para Agolada ter unha Banda desa categoría. Desexámoslle un grande éxito no certame no que participan o vindeiro sábado.
Grazas unha vez máis a Angel Utrera polas fotos.

Bico da Balouta

actuación conxunta da coral e Bico da Balouta

Banda de Agolada

CERTAME DE CANTO DE TABERNA "BAR SUSO" (LALIN)

2011-10-27T11:27:00.001-07:00

O pasado venres 21 de outubro actuamos no Certame de canto de taberna, unha iniciativa moi orixinal do Bar Suso de Lalín, que está a ter un éxito importante de público.
Como é lóxico, adaptamos o repertorio para a ocasión e penso que botamos abaixo a opinión dalgúns que pensaban que a coral non pegaba nin con cola neste certame.
En todo momento nos sentimos arropados polo numeroso público, ainda que hai que dicir que moitos eran amigos...
Grazas ó Bar Suso pola invitación e polos pinchos posteriores.

CONCERTO NO CASINO DE FERROL (1-10-2011)

2011-10-04T04:05:00.000-07:00

O pasado día 1 de outubro participamos nun concerto no fastuoso marco do Casino de Ferrol, acompañados polo Coro de Cámara Música Viva e a Coral do Casino de Ferrol.
Foi unha ledicia disfrutar da calidade de todolos coros participantes, incluidos nos....
A destacar, a interpretación conxunta da habanera "A tu lado" entre a nosa coral e o coro Música Viva que se complementaron perfectamente. Esperamos repetir a experiencia en sucesivas ocasións.
En canto teña fotos as colgarei.

CONCERTO EN SANTISO (A CORUÑA) 17-09-2011

2011-10-04T03:58:00.000-07:00

Por terceiro ano consecutivo os nosos amigos da coral de Santiso convidaronnos a participar nun concerto organizado por eles e subvencionado por FECOGA que tivo lugar o 17 de setembro.
Un ano máis, foi un pracer compartir con eles o concerto e os pinchos posteriores.

CONCERTO FESTAS DE SAN PEDRO

2011-06-28T08:15:00.000-07:00

O día 25 de xuño, na igrexa parroquial de Agolada, tivo lugar o concerto organizado como preludio das festas de San Pedro.
A coral convidada foi a Coral "Santiago López", de Pravia (Asturias), coa que tiñamos unha deuda dende o ano pasado, no que actuamos nesa fermosa vila asturiana.
Como esperabamos, a coral de Pravia demostrou a súa grande calidade e sorprendeu cun amplo e coidado repertorio.
Despois, como non podía ser doutra forma, compartimos unha animada cea na que, por suposto, seguimos cantando.
Gustaríame destacar a estrea pola nosa parte da obra "A tu lado", que supuxo un esforzo importante dada a súa complexidade e que, para ser a primeira vez, saliu razonablemente ben. Pulirémola no futuro.
Grazas a Sandra, a nosa directora, polo seu traballo e a súa paciencia.

Coral Santiago López, de Pravia

Coral Polifónica de Agolada

CONCERTOS DE PRIMAVERA (SILLEDA)

2011-06-10T14:47:00.000-07:00

O sábado día 4 de maio, acudimos a Silleda, invitados pola Coral Trasdeza, que celebraba os seus tradicionais concertos de primavera.
Actuaron tamén a Coral de Tomiño, a Coral de Vilanova da Cerveira (Portugal) e a Coral Trasdeza de Silleda.
O auditorio estaba cheo e o concerto resultou un éxito pola calidade das corais participantes.
Damos as gracias á Coral de Silleda polas súas atencións e pola súa invitación.

CONCERTO DAS LETRAS GALEGAS 2011

2011-05-15T15:49:00.000-07:00

(Hai enlaces de vídeos ó final desta entrada)
O día 14 de maio celebramos o tradicional concerto co gallo do día das Letras Galegas.
Escomenzou actuando a Coral Alborada de Cabral, Vigo, coa que tiñamos unha débeda, despois de tenos recibido o ano pasado.
A continuación o Coro de Cámara Música Viva de Boborás demostrou que non fai falta ser un coro grande para ser un gran coro.
Por último a Coral Polifónica de Agolada, que xogaba na casa, recibíu tamén o aplauso do numeroso público que tivo a deferencia de vir a escoitarnos.

Moitas grazas a todos.

Coral Alborada de Cabral (Vigo)

Coral Polifónica de Agolada

D. Antonio Rey (Presidente de FECOGA) dirixindo unhas palabras aos asistentes

Coro de Cámara Música Viva de Boborás

VÍDEOS
No seguinte enlace podedes ver a interpretación da Coral Polifónica de Agolada, de Soidades, de Rey Rivero. Atención ó solo de Maruxa Fociños, membro de Fuxan os Ventos e compañeira da nosa Coral
http://www.youtube.com/watch?v=l1qkgC5mBGg

E neste, a canción Ahora, de Otilio Galíndez, interpretada polo Coro Música Viva

http://www.youtube.com/watch?v=6BPxLUrtzEk

FESTIVAL DE BANDAS EN SILLEDA

2011-04-11T15:05:00.000-07:00

Unha tarde magnífica a que vivimos o pasado sábado, día 9 de abril, en Silleda.

Organizado pola Banda de Silleda celebrouse o Festival de Bandas anual no que participaron as bandas de música de Silleda, Oleiros e Vilagarcía.

O nivel de tódalas Bandas foi impresionante e a banda de Silleda estreou a obra do autor valenciano Saúl Gómez y Soler titulada Santiago Capitán Abencerraje. Para esta peza contou coa participación das corais, Trasdeza de Silleda, Ecos do Ulla de Monterroso e a coral polifónica de Agolada. Perto de 100 voces que vibraron ó son da melodía de aires morunos interpretada polos músicos de Silleda.

A experiencia resultou moi gratificante para todos nos a pesares do esforzo de preparar este tema con escaso tempo e a responsabilidade que supón compartir escenario con músicos do nivel demostrado na tarde do sábado.

A nosa noraboa a todos os participantes. Mención especial merece tamén o coro de rapaces da escola de música de Silleda que despediron o acto interpretando unha bonita peza xunto coa banda de Silleda.

En canto teña algún vídeo subireino para que poidamos disfrutalo.

CONCERTO DE REIS EN AGOLADA

2011-01-06T14:01:00.000-08:00

Iniciamos o novo ano coa esperanza de que sexa mellor que o pasado e que as cousas da economía vaian mellorando.

Nada mellor para cargarnos de enerxía positiva para o 2011 que empezar o ano cantando rodeados de amigos como os da Banda de Agolada e o numeroso público que como sempre nos acompañou a pesar do mal tempo na pasada noite de Reis.

Gracias a todos e feliz ano.

CONCERTO CO CORO A LARANXA, DE VIGO

2010-12-21T07:47:00.000-08:00

O pasado día 11 de decembro disfrutamos da presenza en Agolada do coro de cámara A Laranxa, de Vigo.
Grazas ás xestións de Almudena Vidal, que forma parte do devandito coro, fumos quen de traelos a Agolada e organizar un concerto coa participación das dúas agrupacións.
Resultou unha velada moi animada con gran participación de público que encheu o salón de actos da Residencia da Terceira Idade e na que o coro A Laranxa amosou o seu saber facer e demostrou unha vez máis que para ser un gran coro no fai falta ser un coro grande.
O remate do concerto compartimos uns pinchos e pasámolo moi ben.
Grazas ó coro A Laranxa e ata unha próxima ocasión que procuraremos que sexa pronto.
Unha vez máis vou a piratear as fotos do evento que sacou o noso amigo Angel Utrera, presidente da Banda de Agolada, fiel seguidor en todas as nosas actuacións. O noso agradecemento pola súa asistencia e espero que me perdone polas fotos.

Actuación de A Laranxa

Actuación da Coral de Agolada

Savia nova do coro de Agolada

Público asistente

SANTA CECILIA 2010

2010-11-21T08:43:00.000-08:00

O sábado día 20 de novembro tivo lugar en Agolada o tradicional concerto de Santa Cecilia, no que participan tódalas formacións musicais do concello, Banda, gaiteiros "Bico da Balouta" e Coral.

Un ano máis foi un éxito de público que encheu o salón da Residencia da Terceira Idade e púxose en evidencia unha vez máis a urxencia do ansiado auditorio. Esperamos que o ano que ven podamos inauguralo.

Os gaiteiros de Bico da Balouta demostraron de novo o seu bon facer.

Espero que non lle pareza mal a Angel Utrera (presidente da banda) que lle roubara algunha foto do seu blog para completar esta reportaxe. Grazas, Angel.

A destacar, a impecable interpretación do solista Javier González Borrajo do concerto para trompa, de Franz Strauss.

Unha das sorpresas deste ano foi tamén a interpretación conxunta entre a Banda e a Coral do "Coro de repatriados" da zarzuela "Gigantes y cabezudos"que se pode ver en video máis abaixo.

Temos que agradecer a tódolos compoñentes da banda e moi especialmente a Nilo, o seu director, a súa paciencia nos ensaios.

Esperamos que nun futuro próximo podamos levar adiante novos proxectos conxuntos.

25º ANIVERSARIO DA CORAL "ECOS DO ULLA" DE MONTERROSO

2010-10-24T13:40:00.000-07:00

A nosa máis sincera e calurosa noraboa para a coral "Ecos do Ulla" de Monterroso que acaba de celebrar o 25º aniversario da súa fundación.

Celebrárono cun emotivo concerto o día 23 de outubro na igrexa parroquial de Monterroso no que tivemos a honra de participar.

O templo estaba a rebosar de público e trala misa celebrada en memoria dos membros falecidos, tivo lugar o concerto que comenzou coa actuación da nosa coral, seguida da actuación da coral organizadora.

Para rematar o acto ambalas duas corais interpretaron diversos temas conxuntamente dirixidos polos dous directores que compartiron nos últimos anos, Pablo Pérez Varela e Sandra Nasher.

Despois do concerto disfrutamos da súa hospitalidade cunha cena nun restaurante da localidade.

Hai 17 anos que a coral de Monterroso apadriñounos no noso debut e foi para nos un placer acompañalos nesta ocasión tan especial, desexámoslles que continuen moitos anos máis.

Un momento da actuación da Coral de Agolada

O Presidente de FECOGA, D. Antonio Rey dirixindo unhas palabras ó final do acto.

CONCERTO NA IGREXA DE BRUÉS (BOBORÁS)

2010-10-01T14:44:00.000-07:00

Invitados polo Coro de Cámara Música Viva, organizador do acto, o día 25 de setembro actuamos na igrexa de Brués (Boborás), xunto co coro anfitrión e a coral de Ribadavia.

A igrexa, cunha magnífica acústica, resaltou a calidade das corais participantes.

Noraboa ó coro Música Viva que demostrou que non fai falta ser moitos para ser un gran coro e á Coral de Ribadavia pola súa profesionalidade.

Despois do concerto disfrutamos dunha velada moi agradable na cea que nos ofreceron.

Grazas por todo.

Antonio Rey, presidente do Coro Música Viva e de FECOGA, presentando o acto.

Coro de Cámara Música Viva, coro irmán co que compartimos directora e algún cantor e cantora.

Coral de Agolada na igrexa de Brués, despois do concerto

Momento da cena celebrada en Carballiño

CONCERTO EN SANTISO (A CORUÑA)

2010-10-01T14:39:00.000-07:00

O sábado día 24 actuamos xunto coas corais de Santiso e Melide na localidade coruñesa pero veciña de Santiso.
O concerto tivo lugar na igrexa de Ponte Arcediago e resultou moi animado.
Grazas á coral de Santiso pola súa amable invitación por segundo ano consecutivo.
Sinto non ter fotos.

MISA CANTADA NA FESTA DA SALETA DE TRABANCAS (AGOLADA)

2010-10-01T14:26:00.000-07:00

Procesión da festa da Saleta, despois da misa cantada pola Coral

O día 19 de setembro fomos invitados a cantar a misa solemne na festa da Virxe da Saleta, na parroquia agolense de Trabancas.

Unha festa co todo o sabor das romarías tradicionais con procesión, comida campestre, etc.

CURSO DE TÉCNICA VOCAL

2010-10-01T14:14:00.000-07:00

O días 10 e 12 de setembro tivo lugar o previsto Curso de Técnica Vocal.

Foi impartido pola soprano, cantante de ópera profesional Indra Sesti di Lucca.

Foron dúas xornadas intensas e que resultaron moi fructíferas. Esperamos que sepamos aplicar na práctica o aprendido.

Indra Sesti di Lucca

Profesora de técnica vocal

FESTA DA TERCEIRA IDADE EN AGOLADA

2010-08-23T11:08:00.000-07:00

O pasado día 11 de agosto tivo lugar en Agolada a tradicional festa da terceira idade na que se rinde homenaxe ós agolenses máis veteranos.

A Coral polifónica de Agolada cantou a misa e despois da mesma deu un impresionante concerto o Ochote "Villa de Gijón".

O ochote é unha formación coral típica da música tradicional asturiana formada por oito voces masculinas.

O Ochote Villa de Gijón demostrou que non é necesario un coro de moitas voces para facer un gran concerto.

Ochote Villa de Gijón

CONCERTO EN SALCEDA DE CASELAS

2010-07-21T09:39:00.001-07:00

O día 15 de xullo actuamos en Salceda de Caselas invitados pola Coral Entenza.

O concerto foi no magnífico auditorio da localidade e participaron tamén a Coral Entenza, a Coral Santa María de Salceda e a Coral Bella Helenes de Pontevedra.

As nosas felicitacións á Coral Entenza e agradecemos todas as súas atencións e os agarimosos comentarios que nos adicaron no seu blog:

"En segundo lugar participó la Coral Polifónica de Agolada que demostró que cantar bien no es una cuestión de cantidad. Su actuación y buen hacer nos ha dejado muy buen sabor de boca".

Presentación da Coral de Agolada

Momento da actuación

DOBLETE TARABELA / A RUA

2010-07-20T08:11:00.000-07:00

O sábado 17 de xullo collimos vacacións ata setembro, pero non sen levar un bo tute para despedir a temporada.
Fixemos un doblete actuando pola mañá na Tarabela de Lalín e pola tarde na Rúa (Ourense)

FESTA DO VENTO NA TARABELA

Para celebrar o seu primeiro ano de funcionamento A Tarabela organizou a Festa do Vento.
A nosa noraboa pola súa frenética actividade cultural durante estes meses. E por contar conosco para esta festa.

Desfile de cabezudos diante da Tarabela.

A coral no local da Tarabela

Foi unha festa moi animada como podedes comprobar polas fotos. Despois invitaronnos a comer unha fabulosa paella campestre.

CONCERTO NA RÚA (OURENSE)

No Teatro Avenida da Rúa trala actuación

Xunto á coral da Rúa e o Coro de Cámara Música Viva cenamos nun restaurante da localidade.

Grazas ós membros da Coral da Rúa pola súa hospitalidade.

Momento de troula despois da cea. A Wences medroulle o pelo....

ENCONTRO DE CORAIS 2010

2010-05-30T15:26:00.000-07:00

O sábado 29 de maio tivo lugar en Agolada un encontro de corais no que participaron:

Coral Polifónica de Berres (A Estrada)

Coral Polifónica de Santiso

Coral Polifónica de Agolada.

O concerto celebrouse na Igrexa de Agolada e ó remate houbo uns pinchos para os participantes.

Grazas ás corais participantes que amosaron o seu alto nivel resultou un acto moi interesante.

Para rematar o concerto as tres corais interpretaron unha peza conxuntamente.

MINIXIRA POR ASTURIAS

2010-05-02T14:58:00.000-07:00

Acabamos de chegar dun fin de semana intenso pero moi gratificante polas experiencias vividas na nosa viaxe por terras astures. Todo salíu segundo os planes previstos e tanto no plano artístico como humano creo que podemos estar satisfeitos.

De camiño hacia Asturias, a nosa directora Sandra, na praia das catedrais

Aproveitando a acústica das covas da praia das catedrais

DÍA 1 DE MAIO, CONCERTO EN PRAVIA:
O sábado día 1 actuamos en Pravia nun concerto exclusivamente da nosa coral cun repertorio de catorce pezas, o que supuxo un importante reto, pero que creo que superamos razoablemente.
Agradecemos á Coral Santiago López de Pravia a súa invitación e a súa calurosa acollida no concerto e na cea posterior.
Resaltar o estupendo hotel Casona del Busto http://www.casonadelbusto.es/, onde nos hospedamos e que ten todo o sabor das antiguas casas nobles asturianas e todas as comodidades dos modernos hoteis.

Concerto na Casa da Cultuta de Pravia (Asturias)

ASISTE A PARTE DA NOSA ACTUACIÓN:

NEGRO BEMBÓN: http://www.youtube.com/watch?v=noK9XQmKbG0
LAS CUATRO PALOMAS: http://www.youtube.com/watch?v=6TyhFmsMBcI
EN BUSCA DE UN SUEÑO: http://www.youtube.com/watch?v=YvcHhPXWmis

A concelleira de Cultura fainos entrega dun agasallo

Cea cos nosos amigos asturianos

De troula por Pravia

DÍA 2 DE MAIO, CONCERTO EN GIJÓN:
Tralo magnífico almorzo na Casona del Busto, partimos cara a Gijón e cantamos a misa con concerto ó final na Residencoa da Terceira Idade da Virxe dos Desamparados.
O noso agradecemento ás responsables do centro, monxas galegas por certo, pola súa hospitalidade e pola labor inestimable que realizan.

Na igrexa da Residencia das Hemanitas de los Desamparados de Gijón

De volta pra casa facendo turismo en Avilés

A CORAL NA TARABELA (LALIN)

2010-04-24T01:15:00.000-07:00

Faro de Vigo

O día 23 de abril actuamos no local social da asociación cultural Tarabela, de Lalin. Foi un acto entrañable no que se demostrou que unha coral tamen pode chegar o publico nun local adicado a cultura alternativa.
Nada mais alternativo que a música pola música.
Minto, tamen houbo uns pinchos que amablemente nos ofreceron os anfitrions da Tarabela.

O local estaba cheo e o publico entregado, que mais se pode pedir.

Interpretamos 14 pezas moi variadas que constituen o mesmo repertorio que imos interpretar en Asturias a semana proxima.
Mellor ensaio imposible.

Sandra Nasher, a nosa directora.

Diversos momentos da actuación

Presentación da coral

Publico asistente

LEMBRANZA DUN EX-DIRECTOR (PABLO PEREZ VARELA)

2010-03-31T16:13:00.000-07:00

Entre os anos 2005 e 2008, Pablo veu encher o grande vacio que deixara Enrique Alvarellos. Era unha tarefa nada facil, pero pouco a pouco Pablo, coa sua afable personalidade e os seus coñecementos de musica coral, logrou sacar o mellor de todos nos.
Cando nos comunicou a sua marcha por motivos persoais sentimolo de verdade. Nunca o esqueceremos como director e como persoa.

CURRICULUM VITAE
Pablo Pérez Varela (Vigo, 1974) comeza os seus estudos musicais no Conservatorio Superior de Música de Vigo con Enrique Goberna, onde obtén o título de Profesor de Piano coas máis altas calificacións. Recibe clases ademáis de So Young Moon e Martín Millán entre outros...
Asimesmo acude a cursos e clases maxistrais con Lilí Ranki, Vladimira Smausova, Arpad Bodó, Lidia Stratolat, Irina Zariztkaia, Peter Bitell, Boris Berman, etc...
Dende ben novo ofrece numerosos concertos didácticos por puntos de toda Galicia e foi gañador e finalista de concursos como o “Novos Intérpretes” de Vigo, “Royale” en Vigo, Santiago e Madrid, ou o “Certamen Internacional de Piano” celebrado en Marín (Pontevedra). Tamén representa á Cidade de Vigo nunha serie de concertos celebrados en Lorient, Francia.
Comeza a súa andadura coa música coral a partires do ano 1994 acompañando ó piano a diversas corais polifónicas ata que en 1997 funda e dirixe a coral polifónica “Val do Fragoso” de Vigo, o seu primeiro coro.
Ten como maestro de dirección coral a Joan Company co que comparte experiencias como membro do Coro da Orquestra Sinfónica de Galicia, ó que pertence dende o ano 1999 e no que recibe clases regulares de canto.
Ata o curso 2007-2008 foi profesor de Piano, Linguaxe Musical, Música de Cámara e Harmonía na Academia de Música e Danza Parsifal de Monterroso (Lugo), e dende o ano 2005, foi director da Coral Polifónica de Agolada.
Como director séntese especialmente orgulloso de que se valorase o traballo co coro de Agolada sendo seleccionado no Certame “En Clave Coral” de 2007 entre máis de 250 masas corais galegas e coa preparación dun denso e variado repertorio.
Dirixíu tamén diversos coros como a coral polifónica “Ecos do Ulla” de Monterroso (Lugo) coa que presentou en estreo absoluto a obra “Castelao” composta por Mónica Rodriguez Ces na reunión anual da Real Academia Galega celebrada en Monterroso co gallo do ano de Lorenzo Varela (2005).
Participa ademáis na dirección do grupo vocal Opus8 e no coro de nenos “Parsifal” de Monterroso (Lugo).
Actualmente, e dende setembro de 2009, dirixe a coral “Alborada” de Cabral (Vigo) e participa no proxecto “Coro - Orquesta Vigo 430”.
Así e todo, a presentación como músico (que non maestro) de Pablo Pérez sempre será a de Director de Honra da Coral Polifónica de Agolada, galardón outorgado e ben enmarcado nunha preciosa cea de despedida e que reza así: “En recoñecemento á sua inestimable labor nesta coral, logrando coa súa depurada técnica e ó seu bó talante que, sen aparente esforzo, alcanzaramos o máis alto nivel que permitían as nosas posibilidades. Tamén pola súa aportación ó enriquecemento do léxico coral coa creación de novas expresións coma sopris, contris, tenorios ou mirade para ó gordo que seguramente votaremos en falta.”
Só por este simpático (por non dicir cachondo) xesto, Agolada estará sempre no seu corazón.

CONTACTA CON NÓS

2010-03-16T10:45:00.000-07:00

e-mail: coralagolada@gmail.com

Teléfono móvil: 619 04 23 89

SEMBLANZA DE ENRIQUE ALVARELLOS, PRIMEIRO DIRECTOR DA CORAL

2010-03-13T10:05:00.000-08:00

O "maestro" Alvarellos, como a él lle gustaba que lle chamaran, a diferencia dos "mestres" (término utilizado no mundo da docencia) foi o primeiro director da coral.
Enrique Alvarellos Iglesias, criado en Soutolongo (Lalín), pero que desenvolveu a meirande parte da súa actividade profesional na cidade de Lugo, era un home polifacético e de enorme personalidade que botou a andar partindo de cero a Coral Polifónica de Agolada.
Compatibilizaba a dirección da nosa coral coa da coral Ecos de Ulla de Monterroso, A coral do Hospital de Calde, a da Policía Municipal de Lugo e a do Orfeón Xoán Montes, do que tamén foi fundador.
Ademáis da súa faciana de director foi tamén compositor de innumerables pezas para coral, banda, etc..
Tamén destacou no mundo da literatura, sendo autor de numerosos libros e propietario dunha editorial.
Para completar tan intensa actividade era propietario dunha academia en Lugo na que preparou a milleiros de estudantes ó longo de moitos anos de docencia.
Espero nun futuro próximo engadir unha biografía máis completa de Enrique, xa falecido e do que gardamos un recordo imborrable.

MEMORIA ACTIVIDADES

2010-03-13T09:33:00.000-08:00

Grazas a D. Anxel Iglesias (Cura de Val de Sangorza e outras parroquias), primeiro presidente e fundador da Coral, que recopilou concienzudamente as actividades desnvolvidas pola coral dende a sua fundacion, dispoñemos dunha memoria exhaustiva na que podemos lembrar unha morea de actuacions que xa tiñamos esquecidas. O noso agradecemento a D.Anxel.
Tanscriboas tal e como as redactou.

MEMORIA DE ACTIVIDADES
Comenzou os ensaios no mes de outubro de 1992, baixo a dirección do maestro Enrique Alvarellos Iglesias , sendo Presidente D. Angel Iglesias Sarandeses e cun número de compoñentes que chegou a ser de oitenta voces mixtas, ainda que este número variou constantemente ata o momento presente cunhas 28 voces.
1.- O día 25 de decembro de 1992 ás 6,30 da tarde, na Igrexa Parroquial de Agolada, realizou a primeira actuación en público con un concerto de panxoliñas que ainda que non se pode considerar a presentación oficial, contou con gran éxito de público e foi moi aplaudida.
2.- O día 13 de xuño (San Antonio) de 1993, ás 7 da tarde, na igrexa parroquial de Agolada foi a presentación oficial da Coral. Apadrinounos a Coral “Ecos do Ulla”, de Monterroso. Houbo un cheo total.
3.- O día 20 de xuño de 1993, actuación en Santa María de Val (Agolada), dentro da Semana Cultural. Actuación na Igrexa, cantando a misa do Corpus e actuando ó final.
4.- O día 17 de xullo de 1993, ás 12,30, no palco da festa de Esperante (Agolada), cantouse a misa e despois deuse un concerto.
5.- O día 21 de agosto de 1993, ás 13,30, deu un concerto no palco da Festa do Rio na Cornella, Puentearcediago.
6.- O día 29 de agosto de 1993, ás 12 horas, cantouse a misa e ofreceuse un concerto no palco do Campo da Festa de Artoño (Agolada).
7.- O día 5 de setembro de 1993, ás 6 da tarde, cantouse a misa en Ventosa (Agolada), despois deuse un concerto.
8.- O día 11 de setembro de 1993, ás 11 da mañá, na igrexa parroquial de Agolada cantouse a misa e ofreceuse un concerto con motivo da Xuntanza Xeracional dos nacidos en Agolada nos anos 40-50.
9.- O día 31 de outubro de 1993, Ano Santo, a Coral peregrinou á Catedral compostelana, Participou na misa do peregrino, cantando unha canción no Ofertorio e outra na Comunión.
10.- O día 20 de novembro de 1993, ás 6 da tarde, celebramos por primeira vez a festa de Santa Cecilia no Pabellón Polideportivo de Agolada. Houbo misa cantada pola Coral, que ó final deu un breve concerto.- Actuaron tamén a Banda de Música de Agolada, o grupo de gaitas Dallecorronco, o grupo de baile e pandereteiras.
11.- O día 25 de decembro de 1993, ás 6 da tarde, na igrexa de Agolada, ofreceuse un concerto de panxoliñas.
ANO 1994
12.- O día 7 de maio de 1994, ás 7 da tarde, Concerto na Igrexa Parroquial de Agolada con motivo do Día das Letras Galegas, xunto có Orfeón Xoan Montes.
13.- O día 21 de maio de 1994, ás 7,30 da tarde, participamos no macroconcerto: “Doscientas voces en concierto”, no Círculo das Artes de Lugo, xunto coas corales, Ecos do Ulla de Monterroso, Coro da Policía Local de Lugo e Orfeón Xoan Montes, todos dirixidos por Enrique Alvarellos.
14.- O día 28 de maio de 1994, ás 8 da tarde, concerto no Auditorium de Monterroso, con motivo da Letras Galegas.- Actuou tamén a Coral de Monterroso, que nos obsequiou cunha placa có escudo de Monterroso.
15.- O día 12 de xuño de 1994, ás 6,30 da tarde, cantamos á misa do Corpus en Val (Agolada), seguida dun concerto.
16.- O día 26 de xuño de 1994, ás 12, cantamo-la misa, seguida dun concerto, na igrexa de Agolada, dentro da Semana Cultural de Agolada.
17.- O día 7 de Agosto de 1994, ás 13 horas, cantouse a misa, seguida dun concerto dentro dos muros do mosteiro de Carboeiro (Silleda), Despois houbo unha comida campestre xunto ó rio.
18.- O día 21 de agosto de 1994, fumos de excursión ó Santuario do Cebreiro (Piedrafita), onde cantamo-la misa das 12, moi concurrida, seguida dun concerto. Comida campestre no Cebreiro. A media tarde pasamos por Triacastela e logo polo Mosteiro de Samos, onde demos un concerto ás 8 da tarde, despois merenda campestre e regreso a casa.
19.- O día 28 de agosto de 1994, ás 13 horas cantamo-la misa en Santa Comba (Festa de Santa Minia), e ó final un pequeno concerto.
20.- O día 19 de novembro de 1994, ás 6 da tarde, festa de Santa Cecilia no Polideportivo de Agolada, a Coral cantou a misa e un pequeno concerto. Actuaron tamén as Bandas de Música de Agolada e Monterroso, os grupos de gaitas Dallecorronco e Bico da Balouta e o grupo de baile Luarada.
21.- O día 4 de decembro de 1994, ás 12 horas, a Coral participa por vez primeira no Festival de Panxoliñas organizado por Caixavigo, no Teatro García Barbón. Comida en Cangas. Clasificados 13º lugar.
22.- O día 18 de decembro de 1994, ás 6 da tarde, actuación na igrexa de Portonovo, no tercer Certamen de Panxoliñas.- Actuaron tamén o Coro San Xinés de Padriñán e a Coral Santa María Adina de Portonovo.
23.- O día 25 de decembro de 1994, ás 6 da tarde na igrexa parroquial de Agolada, ofreceuse un concerto de panxoliñas.
ANO 1995
24.- O día 7 de xaneiro de 1995, ás 9 da noite, actuación no Mosteiro de Acibeiro (Forcarei), xunto có Coro de la Tercera Edad de A Estrada, Polifónica Trasdeza de Silleda, Polifónica de Lalín, e Polifónica de Oca. O final todalas corais cantaron xuntas “Adeste Fideles”.
25.- O día 13 de maio de 1995, ás 12,30, misa cantada no palco da festa de Baiña en honor a San Isidro.
26.- O día 4 de xuño de 1995, misa cantada e concerto na Igrexa de Borraxeiros (Agolada).
27.- O día 11 de xuño de 1995, ás 6 da tarde, misa do Corpus e concerto na igrexa de Val (Agolada).
28.- O día 29 de xuño de 1995, misa en honor de San Pedro na igrexa de Agolada.
29.- O día 20 de agosto de 1995, excursión ó Santuario dos Milagros, de Molgas (Orense). Cantouse a misa ás 12. Comida campestre, pola tarde visitouse Baños de Molgas, Allariz e de regreso cenouse no camiño.
30.- O día 28 de outubro de 1995, ás 5,30 da tarde, concerto na igrexa de Agolada con motivo da Festa da Xuventude, organizada polo Concello de Agolada.
31.- O día 18 de novembro de 1995, ás 8 da tarde, concerto no Salón Cultural do Concello de Taboada (Lugo), dentro dos Circuitos Culturais.
32.- O día 26 de novembro de 1995, ás 6 da tarde, no Pabellón Polideportivo de Agolada, cantouse a misa pola festa de Santa Cecilia. Actuou tamén a Banda de Música de Agolada, Grupo de Gaitas e de baile. O final coral e banda interpretaron o Himno Galego, dirixidos por E. Alvarellos.
33.- O día 10 de decembro de 1995, ás 13 horas, participación no XXX Festival de Panxoliñas de Caixavigo, no Teatro García Barbón de Vigo. Comida cerca de A Guardia.
34.- O día 29 de decembro de 1995, ás 9 da noite, actuación na Televisión Local de Lugo, interpretaronse sete temas e foi entrevistado o presidente da coral D. Angel Iglesias Sarandeses.

ANO 1996
35.- O día 7 de abril de 1996, domingo de Pascua, ás 12,30 horas, cantouse a misa no Santuario de Abades - Bandeira, dentro dos Circuitos Culturais da Consellería de Cultura.
36.- O día 17 de maio de 1996, ás 8,30 da tarde, misa e concerto na igrexa de Palas de Rei (Lugo), dentro dos Circuitos Culturais.
37.- O día 19 de maio de 1996, ás 7 da tarde, concerto no Colexio Público de Antas de Ulla (Lugo), para axudar á viaxe de fin de curso dos alumnos.
38.- O día 25 de maio de 1996, ás 7 da tarde, concerto no Auditorio de Antas de Ulla, dentro dos Circuitos Culturais. Participaron 41 coralistas.
39.- O día 9 de xuño de 1996, ás 6 da tarde, misa do Corpus e concerto en Val (Agolada).
40.- O día 29 de xuño de 1996, ás 12,30 horas, cantouse a misa de San Pedro en Agolada polas festas patronais.
41.- O día 25 de agosto de 1996, concerto ás 12,30 horas e a continuación misa cantada na igrexa de Forcarei pola festa en honor á Virxe das Dores. Igrexa chea de público. Asistieron 33 coralistas. Comida no Restaurante París de Forcarei.
42.- O día 1 de setembro de 1996, ás 13,30 horas, na igrexa de Belmil (Santiso), cantouse a misa da boda da filla de Ovidio Leiva, pois, tanto o pai coma a nai son compoñentes da Coral.
43.- O día 23 de novembro de 1996, ás 6,30 da tarde, celebración da Festa de Santa Cecilia no Polideportivo de Agolada, A Coral cantou a misa e despois actuaron a Banda, grupos de gaitas e pandereteiras. O final coral e banda interpretarn o Himno galego dirixidos polo director da Banda, José Luis Quintás.
44.- O día 7 de decembro de 1996, ás 8,15 da tarde, participación no XXXI Festival de Villancicos de Caixavigo, no Teatro García Barbón de Vigo. Asistiron 39 coralistas. Cena en Forcarei.
45.- O día 29 de decembro de 1996, ás 7 da tarde, Festival de Panxoliñas, organizado a través da FECOGA, coa participación da Coral de Taboada (Lugo) e da nosa Coral. Asistiron 32 coralistas. Cena a base de pinchos na Churrasquería Golada.

ANO 1997
46.- O día 12 de abril de 1997, ás 9 da noite, actuación no salón de actos da Casa de Oficios de Silleda, xunto coa Coral Trasdeza de Silleda. O final cantamos xuntos “Balaio”. Cena a base de pinchos nun restaurante de Silleda.
47.- O día 31 de maio de 1997, as 9,30 h. da noite, actuación conxunta coa Coral Polifónica Trasdeza, de Silleda, na Igrexa de Agolada, patrocinada por Galicia Terra Unica e o Concello de Agolada. Estrea de A Lanzada, de E. Alvarellos. Ó final houbo cea na Churrasquería Golada.
48.- O día 1 de xuño de 1997, misa do Corpus cantada en Val e actuación ó final dentro da Semana Cultural de Val (Agolada).
49.- O día 22 de xuño de 1997, excursión a Portugal e misa cantada e pequeño concerto no Santuario de A Franqueira (A Cañiza), ó regreso visitouse Ribadavia e merendamos xunto ó rio.
50.- O día 30 de agosto de 1997, cantouse unha boda na igrexa de Borraxeiros.
51.- O día 6 de setembro de 1997, cantouse unha boda na igrexa de Filgueira (Lalín).
52.- O día 20 de setembro de 1997, cantouse a misa da festa da Saleta en Trabancas.
53.- O día 6 de decembro de 1997, cantouse a misa da boda do fillo de Ovidio Leiva en Melide.
54.- O día 13 de decembro de 1997 participouse no Festival de Villancicos de Caixavigo no Centro Cultural de Caixavigo, cenando xunto co Orfeón Xoan Montes na Pulpería Alto da Pena de Prado, Lalín.
55.- O día 20 de decembro de 1997, participouse na celebración de Santa Cecilia en Agolada, xunto coa Banda e Grupos de Gaitas e de baile.
Ano 1998
56.- O día 3 de xaneiro de 1998, Festival de Nadal en A Cañiza, xunto coas corais de A Cañiza e Covelo.
57.- O Día 4 de xaneiro de 1997, ás 6 da tarde, misa cantada e concerto na Igrexa Parroquial de Lalín.
58.- O día 4 de xaneiro de 1998, ás 8 da tarde, concerto de nadal coincidindo coa inauguración da Residencia da Terceira Idade de Agolada, actuando tamén a Banda de Agolada.
59.- O día 17 de xaneiro de 1998, concerto na igrexa parroquial de Santiso (A Coruña), xunto coa Coral de Visantoña e cena no Pazo da Pena.
60.- O día 7 de marzo de 1998 participou na grabación do programa da TVG Galicia enteira, adicado á Agolada..
61.- O día 12 de agosto de 1998 ofreceuse un concerto nos Pendellos de Agolada co gallo da Semana Cultural, ó pouco tempo de escomenza-la actuación desencadeouse unha forte tormenta. 62.- O día 31 de agosto de 1998 cantouse unha boda en Santiso, comendo a continuación no churrasco de Ponte Vilariño.
63.- O día 31 de agosto de 1998, concerto na Cañiza, subvencionado polos Circuitos Culturais da Cosellería de Cultura, éxito de crítica e público. Cena no restaurante O Pozo de A Cañiza.
64.- O día 31 de outubro de 1998 concerto conxunto coa coral de A Cañiza na Residencia da Terceira Idade de Agolada, subvencionado por FECOGA. Cena no Hostal Galicia.
65.- O día 19 de decembro de 1998 concerto de panxoliñas en Guntín (Lugo).

Ano 1999
66.- O día 5 de xaneiro de 1999 concerto de ano novo na Residencia da terceira idade de Agolada.
67.- O día 3 de abril de 1999 concerto en La Force (Francia) no marco do intercambio cultural coa Coral “Sarabande”.
68.- O día 5 de abril de 1999 concerto na sala Jacques Brel de Lalinde (Francia).
69.- O día 15 de xuño de 1999 concerto na igrexa de Val (Agolada)
70.- O día 3 de novembro concerto de Santa Cecilia na Residencia da 3ª Idade de Agolada.
71.- O día 11 de decembro de 1999 actuación no Festival de Panxoliñas de Caixavigo.

Ano 2000
72.- O día 5 de xaneiro de 2000 concerto de ano novo na Residencia da terceira idade de Agolada.
73.- O día 12 de Febreiro de 2000 misa cantada na catedral de Santiago.
74.- O día 5 de abril de 2000 concerto na igrexa de Agolada xunto coa coral Sarabande de La Force e a coral Ariana de Moulis.
75.- O día 6 de abril de 2000 misa cantada na catedral de Santiago xunto ás corais francesas.
76.- O día 18 de maio estrea da cantata “A Lanzada”, no Círculo das Artes de Lugo, xunto ó Orfeón Xoan Montes e a Orquestra Sinfónica de Xove.
77.- O día 20 de xuño de 2000, interpretación da cantata A Lanzada na igrexa parroquial de Sanxenxo.
78.- O día 20 de novembro de 2000 concerto de Santa Cecilia na Residencia da 3ª Idade de Agolada.
79.- O día 18 de decembro de 2000 concerto e misa cantada en Val (Agolada).

Ano 2001
80.- O día 5 de xaneiro de 1999 concerto de ano novo na Residencia da terceira idade de Agolada.
81.- O día 24 de febreiro de 2001 concerto na igrexa de San Giovanni de Manziana (Italia).
82.- O día 25 de febreiro de 2001 concerto na igrexa de San Pietro in Montorio de Roma.
83.- O día 27 de Febreiro de 2001 concerto na igrexa parroquial de Quadroni (Manziana (Italia).
84.- O día 4 de agosto de 2001 concerto na igrexa de Agolada xunto coa coral Quelli Delle 21.18.
85.- O día 12 de agosto de 2001 concerto no mosteiro de Carboeiro.
86.- O día 12 de outubro de 2001 concerto en Beariz (Ourense).
87.- O día 1 de decembro de 2001 concerto de Santa Cecilia en Agolñada.
88.- O día 23 de decembro de 2001 concerto na igrexa de Val.

Ano 2002
89.- O día 5 de xaneiro de 2002 concerto de Nadal en Agolada.
90.- O día 17 de maio de 2002 concerto das letras galegas
91.- O día 20 de novembro de 2002 Concerto de Santa Cecilia en Agolada.

Ano 2003
92.- O día 5 de xaneiro de 2003 concerto de Nadal en Agolada.
93.- O día 17 de maio de 2003 concerto das letras galegas
94.- O día 24 de xullo de 2003 Concerto en Ferreira de Pantón
95.- O día 20 de novembro de 2003 Concerto de Santa Cecilia en Agolada.

Ano 2004
96.- O día 5 de xaneiro de 2004 concerto de Nadal en Agolada.
97.- O día 17 de maio de 2004 concerto das letras galegas
98.- O día 24 de xullo de 2004 Concerto en Ferreira de Pantón
99.- O día 20 de novembro de 2004 Concerto de Santa Cecilia en Agolada.

Ano 2005
100.- Concerto de Aninovo (5 de xaneiro de 2005)
101.-Concerto en Moaña (17 de maio de 2005)
102.-Misa cantada e concerto na Igrexa Parroquial de Agolada (29 de xuño de 2005.
103.-Concerto de Santa Cecilia en Agolada (20 de novembro de 2005)
104.-Concerto homenaxe a Manuel Costa (Alcalde de Agolada) (25 de novembro de 2005)

Ano 2006
105.-Concerto de Aninovo (5 de xaneiro de 2006)
106.-Concerto en Monterroso (10 de marzo de 2006)
107.-Concerto Residencia Terceira Idade de Lalín (28 de marzo de 2006)
108.-Concerto Festas de San Pedro en Agolada (25 de xuño de 2006)

XUNTA DIRECTIVA E COMPOÑENTES

2010-03-10T15:43:00.000-08:00

DIRECTORA: Sandra Nasher Hernández

XUNTA DIRECTIVA

Presidente: José Luís Factor

Secretaria: Fina Miguelez

Vicepresidente e Tesoureiro: Wenceslao Miguelez

Vocais: Amadeo Val, Marité Negro, Isaura Varela, Pilar Pérez

SOPRANOS

Marité Negro

Fina Miguélez

Raquel Vidal

Pacita Vidal

Luisa Diéguez

Esther Torreira

Maruxa Fociños

Mª Carmen Castro
Mari Luz Moure
Celia Cumplido
Sara Torreira

CONTRALTOS

Tilucha Vázquez

Isaura Varela

Pili Pérez Cadahía

Mercedes Rodríguez
Hortensia Edreira

Rosa Miguelez

Milagros Sobrado
Gala Varela Peón
MªAgeles Varela Peón
TENORES

Wenceslao Miguélez

Fernando Carballal

José Luís Factor

José Benito Mouriño
Nilo García

BAIXOS

José Ramón Agra

Jorge Rey

José Mosteiro

Amadeo Val

Alejandro Chorén Fociños

Antonio Rey
Alfonso Iglesias

REPERTORIO

2010-03-10T15:14:00.000-08:00

1. A LANZADA
2. ADESTE FIDELES
3. AGOLADA
4. ALÁ ENTRAS PALLAS
5. ALALA DE LEMOS
6. ALALÁ DO ULLA
7. ALEGRIA SANTA
8. AÑO DE DEUS
9. AQUELA NOITE FRIA
10. AQUÍ ESTAMOS SEÑOR
11. ARRORRÓ
12. AVE MARIA (E. ALVARELLOS)
13. AVE VERUM
14. BALAIO
15. BENEDICAT BOVIS
16. CANDO SUBÍN Á MONTAÑA
17. CANTEMOS TODOS UNIDOS
18. CANTICORUM IUBILO
19. CARACOLA
20. CASIÑA SANTA
21. COLORADIÑA
22. DICEN QUE DICEN
23. DIN DON
24. EL ALCATRAZ
25. EL GRILLO É BUON CANTORE
26. EL MENÚ
27. EL SEÑOR JUAN SEBASTIAN
28. EN BUSCA DE UN SUEÑO
29. EN LOS SURCOS DEL AMOR
30. ENTRADE PASTORCIÑOS
31. ERA UN RAPACIÑO
32. ESE RAPACIÑO
33. EU CANTAR CANTEILLE
34. EU NON SON MERECENTE
35. FUENTECILLA QUE CORRES
36. FUNICULI FUNICULA
37. GALOPIN
38. GLORIA (SANTA CECILIA)
39. HIMNO GALEGO
40. IMOS TODOS
41. JESU CHRISTE
42. LAS CUATRO PALOMAS
43. MALPOCADIÑO
44. NA BAHIA TEM
45. NAVIDAD EN JEREZ
46. NEGRO BEMBÓN
47. NENO DE CABELOS DE OURO
48. NO COLO DA MIÑA NAI
49. NOITE DE PAZ
50. NOSO PAI
51. O CUCO
52. O SANCTISSIMA
53. OFRECINCHE, SEÑOR
54. OS MEUS AMORES
55. PALOMA MENSAJERA
56. PEQUEÑA FLOR
57. RETÍRATE
58. SALVE ROCIERA
59. SANTO
60. SE EQUIVOCÓ LA PALOMA
61. SEÑOR DIOS NUESTRO
62. SEÑOR ME CANSA LAVIDA
63. SEÑOR TEN PIEDADE
64. SIGNORE DELLE CIME
65. SOIDADES
66. STABAT MATER
67. TE QUIERO
68. VELAI VAI
69. VEINTICINCO DE DICIEMBRE

VIAXE A ITALIA 2008

2010-03-09T16:09:00.000-08:00

Non fomos quen de rexeitar a nova invitación dos nosos amigos italianos e no ano 2008 retornamos a Italia. Neste caso as segundas partes tamén foron boas.
Visitamos Roma, Viterbo, o lago Bracciano, etc e actuamos na igrexa de Manziana e na de San Ignacio de Loyola en Roma.

Na igrexa de Manziana

Recibindo un agasallo da alcaldesa de Manziana

Na igrexa de San Ignacio de Loyola en Roma

Disfrutando da antiga Roma

Diante da Basílica de San Pablo

O noso director daquela, Pablo Pérez Varela,dirixíndose ó público nun perfecto italiano

En Viterbo, a chamada cidade dos Papas, onde se celebraron cinco cónclaves.

ITALIANOS EN AGOLADA 2001

2010-03-09T16:00:00.000-08:00

No ano 2001, a coral italiana Quelli Delle 21:18, de Manziana visitou Galicia actuando en Agolada, Lugo, Antas de Ulla, etc.

Concerto na igrexa de Agolada xunto co coro italiano

Recepción do coro italiano no concello de Agolada con intercambio de agasallos

Amosámolles o noso folklore

O coro Quelli delle 21:18 cantando de xeito espontáneo nos pendellos de Agolada

Visita do coro italiano a Lugo, onde foron recibidos pola corporación municipal

FRANCESES EN AGOLADA ANO 2000

2010-03-09T15:49:00.000-08:00

No ano 2000 a coral francesa Sarabande de La Force, devolveunos a visita, fixeron varias actuacións e turismo por Galicia.

PROXECTOS PARA 2010

2010-03-09T15:22:00.000-08:00

- 23 de abril: Concerto na Asociación cultural A Tarabela (Lalín)
- 1 de maio: Concerto en Pravia (Asturias)
- 2 de maio: Concerto en Gijón (Asturias)
- 15 de maio: Concerto en Vigo invitados pola Coral Alborada de Cabral
- 29 de maio: Concerto en Agolada xunto co coro A Laranxa de Vigo e a Coral de Santiso (A Coruña)
- 13 de xuño: Concerto en Agolada xunto co coro de cámara Música Viva e a Coral Alborada de Vigo.
- Participación no certame "En clave coral" organizado por FECOGA.
- Organización dun curso de técnica vocal patrocinado por FECOGA.

VIAXE A FRANCIA 1999

2010-03-09T10:32:00.000-08:00

Coral en Bergerac

No ano 1999, é dicir, no século pasado, fixemos a nosa primeira incursión en terras extranxeiras.
Foi o intercambio cultural coa coral Sarabande de La Force (Francia).

Unha experiencia moi interesante se completou coa viaxe dos franceses a Agolada ó ano seguinte.

Co alcalde de La Force (Francia)

Co presidente da coral Sarabande (La Force)

Recortes de periódicos franceses

Festa e queimada de despedida en La Force,

pódese ver que tamén teñen a zanfoña entre os seus instrumentos tradicionais.

VIAXE A ITALIA 2001

2010-03-09T08:53:00.000-08:00

O ano 2001 realizamos un intercambio cultural coa coral Quelli delle 21:18, de Manziana, unha localidade cercana a Roma.
Foi toda unha experiencia artística e humana. Fixemos tan grandes amigos que repetimos 7 anos máis tarde.

Cartel anunciador en Manziana

Recepción do alcalde de Manziana

Recorte de periódico de Manziana

Co noso amigo Maurizio Piccioni, que foi o noso contacto para a organización do intercambio na festa de benvida en Manziana

A nosa amiga Carme Lamela, de Antas de Ulla, lectora de galego na Universidade da Sapienza de Roma e persoa imprescindible para levar a bo fin o proxecto do intercambio coa coral de Manziana

Recorte Faro de Vigo

MEMORIA DE ACTIVIDADES 2009

2010-03-09T08:33:00.000-08:00

Na igrexa de Agolada o 11 de agosto xunto co Ochote Villa de Gijón

- Concerto de aninovo en Agolada xunto coa Banda de Agolada (5-01-09)
- Misa funeral en Agolada (marzo de 2009)
- Encontro Coral en Agolada xunto coas corais de Moraña e Antas de Ulla (16-05-09).
- Misa cantada en Agolada nas Festas de San Pedro (29-06-09)
- Concerto de inauguracion da Capela das Virtudes en Agolada (xullo de 2009)
- Misa cantada para unha boda en Taboada (xullo de 2009)
- Concerto na Igrexa de Agolada xunto co Ochote Villa de Gijón (11-08-09)
- Concerto en Santiso (A Coruña) 26-09-09)
- Concerto na Estrada xunto coa coral de Berres (outubro 2009)
- Concerto en Bueu (Pontevedra) (21-11-09)
- Concerto Santa Cecilia en Agolada xunto coa Banda de Agolada e Bico da Balouta (28-11-09)
- Misa bodas de ouro na igrexa de Carmoega (decembro de 2009)
- Concerto en Piloño (Vila de Cruces) (27-12-2009)
- Concerto en Moraña (Pontevedra) (28-12-09)

CURRICULUM DIRECTORA SANDRA NASHER

2010-03-09T08:26:00.000-08:00

Nombre: Sandra Yanarys Nasher Hernández.Edad: 28 Nacionalidad: cubana.
Titulación: Bachiller. Nivel Medio Superior en Música. Licenciada en Educación Musical.
Nació en la ciudad de Santa Clara el 3 de abril de 1980.
Desde muy temprana edad sintió inclinación por el canto y la música en general, participando activamente como solista y en agrupaciones vocales infantiles ganando premios y menciones como intérprete en muchas ocasiones.
A raíz de esta inclinación estudia en la ciudad de Santi Spíritu el Nivel Elemental en la especialidad de piano, con su participación paralela en coros en la escuela de arte “Ernesto Lecuona”.
Continúa sus estudios musicales de Nivel Medio en el Centro de Superación para la Cultura “Ángel González Borrel” de la ciudad de Santa Clara, Cuba donde se titula de profesora instrumentista en la especialidad de piano y al vez se titula de bachiller en 1998 y comienza a estudiar la carrera de Nivel Superior Licenciatura en Educación Musical en el Instituto Superior Pedagógico “Félix Varela” de la misma ciudad, desempeñando paralelamente su labor como profesora en las escuelas secundarias en las especialidad de coro y educación musical.
Como estudiante de dicho instituto superior fundó y dirigió el Sexteto Vocal “Dicción” con un repertorio variado y participando en festivales nacionales de la FEU (Federación Estudiantil Universitaria de Cuba) obteniendo premios. También dirigió el Coro Estudiantil de dicho instituto participando en festivales y actividades.
Comenzó a trabajar en diferentes centros de enseñanza artística tales como:Escuela Provincial de Instructores de Arte (EIA) Manuel Ascunce Domenech.Escuela Vocacional de Arte (EVA) “Olga Alonso”. Centro de Superación para la Cultura “Ángel González Borrell” Instituto Superior Pedagógico “Félix Varela”. Impartiendo las siguientes asignaturas: Piano, teoría y Solfeo, Lenguaje Musical para niños y Coro.
Como intérprete en la cuerda de contralto formó parte del coro de la Catedral de Santa Clara, Cuba actuando en misas dominicales semanas santas y etapa de navidad además de cantar en el Coro que se formó para la misa que se efectuó con motivo de la visita del Papa Juan Pablo II a Cuba en el año 2000.
Como profesional trabajó en el Coro de Cámara “Audius” de la Provincia de Villa Clara, siguiendo su labor como directora en el Coro Infantil de la Catedral.
Con el Coro de Cámara participa en festivales internacionales celebrado en la ciudad de Santiago de Cuba en 2003 y 2004.
En el año 2005 viene a España atendiendo la llamada de una buena oferta de empleo en la Asociación Musical Hispano Latinoamericana en la ciudad de La Coruña donde trabajo en cursos de música Latinoamericana y realizó algunas labores administrativas.
Posteriormente trabajó con la empresa Lirama Conciertos también como profesora de música en Santiago de Compostela hasta que fue a residir en la ciudad de Lalín.
En la actualidad se encuentra dirigiendo la Coral “Ecos do Ulla” (Monterroso) así como también la “Coral Polifónica de Agolada” en las que comenzó en septiembre del 2008, con las que ha realizado diversos conciertos de distinto carácter.

BREVE HISTORIA DA CORAL

2010-03-09T08:18:00.000-08:00

A Coral en 2009

A coral en 1993 (¡casi 80 membros!)

A Coral Polifónica de Agolada escomenza a ensaiar en outubro de 1992, baixo a dirección de Enrique Alvarellos, debutando ese mesmo ano no concerto de Nadal en Agolada, dende entón realizou unha intensa actividade con concertos ó longo de toda a xeografía galega, destacando actuacións en foros tan importantes como a catedral de Santiago, os Mosteiros de Samos, Carboeiro, Acibeiro, Os Milagros, A Franqueira, a Televisión de Lugo, etc..
Xunto con outras catro corais, formou parte do macrocoro Santa Cecilia, cun total de 200 voces, que actuou no Círculo das Artes de Lugo.Pero sin dúbida, entre os fitos máis importantes na traxectoria da Coral Polifónica de Agolada cabe destacar:
O intercambio cultural realizado nos anos 1999 e 2000 coa coral “Sarabande” de La Force (Francia), participando en varios concertos nas ciudades de La Force e Lalinde .
A estrea da cantata “A Lanzada”, de Enrique Alvarellos, acompañada polo Orfeón Xoan Montes e a Orquesta Sinfónica de Xove, que tivo lugar no Círculo das Artes de Lugo, en maio de 2000.
O hirmandamento có coro italiano “Quelli Delli 21,18”, de Manziana, que culminou con actuacions en marcos incomparables como a igrexa de San Pietro in Montorio, en Roma, a igrexa de San Giovanni Bautista de Manziana, etc.
Así mesmo, no ano 2008 realizou outro intercambio coral co coro italiano La Settima Nota, actuando de novo en diversas cidades italianas.
Nese mesmo ano foi seleccionada para participar no certame “En clave coral” xunto con outras 24 corais de toda Galicia.
No período 2005-2008 estivo dirixida por Pablo Pérez Varela.
Dende finais do ano 2008 a coral está a cargo da directora cubana Sandra Nasher Hernández.